Nova entrega de pistas para averiguar os títulos das películas.
Biblioteca do IES de Curtis
11/11/25
CONCURSO "QUERES PASALO DE MEDO?" (1)
Estas son as preguntas do primeiro día de concurso. Es quen de atinar cos títulos?
24/10/25
CELEBRANDO O DÍA DAS BIBLIOTECAS
Un ano máis chega o Día das bibliotecas e non queremos pasalo por alto: a biblioteca no noso IES, coma noutros moitos, é un espazo vivo, onde profesorado, alumnado e persoal non docente atopa diferentes opcións acordes ás súas necesidades, apetencias ou gustos. A nosa é unha BIBLIOVIVA!!
Enchemos, ademais, os paneis de referencias a este marabilloso espazo e poñemos novamente a disposición da comunidade educativa o baúl cos LIBROS PARA VÓS, iniciativa xa clásica no noso centro, onde aproveitamos donacións para poñelas a disposición de quen queira levalas en propiedade e integralas na súa biblioteca particular.
13/10/25
DÍA DAS ESCRITORAS
No Día das Escritoras secundamos o lema proposto por Bibliotecas Escolares (ESCRIBIDE, COMPAÑEIRAS!) e animamos a todas as mulleres a compartir as súas creacións literarias.
Damos difusión ao legado feminino (que foi tantas veces invisibilizado ao longo da historia) a través dunha exposición nos corredores exteriores da biblioteca. O material desta mostra está centrado na obra de mulleres escritoras de diferentes nacionalidades e foi elaborado polo alumnado do centro coordinado polo equipo de Curtisbliblio.
29/09/25
ESTAMOS DE VOLTA
A biblioteca do IES de Curtis acolle aos lectores e lectoras e tamén a todos os que teñan inquedanzas ou curiosidade por aprender xogando. Este espazo está á vosa disposición.
20/09/25
CALENDARIO DO LIBRO E DA LECTURA
Un novo curso que se inicia e a bilbioteca abre de novo as súas portas. O espazo de Curtisbiblio dá pé para compartir lecuras, xogos, experiencias e conversas. Iniciamos esta nova andaina lembrando as celebracións relacionadas co libro e coa lectura para o primeiro trimestre este curso. Benvidas e benvidos ao noso recuncho de cultura e de lecer!
Subscribirse a:
Comentarios (Atom)