Esperamos que vos guste: cociñado con agarimo na nosa biblioteca!!!!
Biblioteca do IES de Curtis
13/12/21
CURTISCIENCIA!
Ao longo destes meses de novembro e decembro os departamentos relacionados coas ciencias desenvolveron actividades destinadas á divulgación e á investigación. E a biblioteca, nas zonas interiores e exteriores acolleu con agradecemento varias das iniciativas feitas realidade grazas ao traballo do profesorado e do incansable alumnado. Velaquí unha mostra da nosa CURTISCIENCIA:
E, como recollemos no remate deste vídeo, para quen busque nos nosos andeis lecturas de divulgación científica, aquí atopará con que saciar esa fame de saber:
PARA LER CIENCIA NA BIBLIOTECA... OU NA TÚA CASA
29/11/21
¡ADIÓS, ALMUDENA!
Almudena Grandes ha fallecido a la edad de 61 años ... Y nos ha dejado con el corazón encogido a muchos de nosotros, recientes lectores de El lector de Julio Verne...
Sin duda, estos días son tristes para todos los amantes de la narrativa contemporánea de calidad: su facilidad para llevarnos, con un lenguaje que atrapa, por la posguerra y por la historia más reciente era un don que sus lectores apreciaremos siempre. Almudena, nos has dejado el corazón helado, pero siempre nos quedarán tus novelas...
24/11/21
TODOS OS DÍAS DEBEN SER 25 N
Un ano máis estamos no 25N e esa data non pasa desapercibida no noso IES nin na nosa biblioteca.
Aparte dos carteis que colocamos no corredor e que nos recordan o que non debemos esquecer nunca, a biblioteca amiga do IES Zalaeta de A Coruña, onde temos a nosa querida Begoña (pedaciño de nós), compartiunos xenerosamente unha presentación deles sobre literatura de distintas épocas relacionada co tema do maltrato de xénero.
Velaquí vos deixamos o enlace: nos deixedes de vela, paga a pena!!!!!
https://drive.google.com/file/d/1FUHuRZ5_ZttMNY9JKzx6p6T27j2zt4u3/view?usp=sharing
22/11/21
ADEUS A DARÍO XOHÁN CABANA
Temos que lamentar o pasamento do escritor Darío Xohán Cabana. Dende Curtisbiblio queremos render a nosa pequena homenaxe a través da súa obra. Velaquí un fermoso e emotivo poema escrito no falecemento do seu pai onde reflexiona sobre a fraxilidade do ser humano, a perdurabilidade da memoria e a necesaria valoración do legado dos nosos proxenitores.
Pervivencia no tempo
Se
cando a morte pálida me apañe
deixo
no mundo un pouco de memoria,
eu
quero que o teu nome me acompañe,
se
che pode servir dalgunha gloria;
e
se labro estes versos co teu lembro
contra
da cinza, a corrupción e o lodo,
é
que eu non quero crer que aquel setembro
acabase
pra sempre xa con todo.
Ben
sei, ben sei, canté que non soubese,
que
a vida acaba cando o sangue calla,
pero
quizá a memoria nos puidese librar,
se
non da morte, da mortalla;
e
se asi for, e após da morte eu brillo,
saiban
que eu fun quen son por ser teu filio.
Darío X. Cabana, Canta de cerca a morte
17/11/21
OUTROS CAMIÑOS E RUBÉN RIÓS: ABRÍNDONOS OS OLLOS
O Departamento de Orientación en colaboración co Equipo de biblioteca, rematou hoxe unha actividade co alumnado de 2º de ESO destinada a promover a inclusividade coma un valor fundamental para a convivencia. Trátase do visionado do vídeo Outros camiños, en Afundación TV e dun coloquio posterior co director e actor Rubén Riós, implicado no proxecto.
Se tivésemos que calificar a experiencia con adxectivos, usariamos as palabras MARABILLOSA, ALENTADORA, ESPERANZADORA E SENSIBLE. Resulta admirable con que realismo e sinceridade nos fai chegar Rubén a súa mensaxe de tolerancia, diálogo, empatía e entendemento cara ás diferenzas. Só vos diremos que é unha actividade que paga a pena facer: ábrenos os ollos cara a verdadeira realidade e fainos valorar o que somos e o que temos a través do inmeso valor persoal dos protagonistas do vídeo, todos eles con discapacidade.
04/11/21
XA TEMOS GAÑADORES!!
Velaquí os nosos equipos gañadores: imos agasallalos con algo que faga medrar aínda máis o seu gusto e curiosidade polo mundo do cinema. Parabéns!!!
Subscribirse a:
Publicacións (Atom)