Tivemos esta mañán a sorte de abrir as portas da nosa biblioteca ao escritor e deseñador de novela gráfica Paco Roca. Da súa man percorremos tramos realmente interesantes no camiño da súa experiencia no mundo da narración ilustrada: poidemos saber de primeira man como chegou a esta profesión, cal é o seu obxectivo cando conta e debuxa historias, a laboriosidade que implica a tarefa de artellar unha historia coma as que el fai...
Moitas foron as mensaxes que nos deixou enriba da mesa, pero de todas elas unha segue a rondar no noso pensamento: hai que loitar na vida polo que un se propón, podemos errar no camiño algunha vez, pero iso non vai impedir, se temos moi clara a meta, chegar ó destino desexado.
Grazas, Paco, por facernos sentir tan preto da literatura e de quen a fai.
Ningún comentario:
Publicar un comentario