Nesta edición da Semana Cultural do IES de Curtis tivemos a sorte de contar con marabillosos escritores e escritoras que nos achegaron unha vez máis á importancia da palabra como elemento esencial de comunicación e de interacción.
O luns Arancha Nogueira desenvolveu un obradoiro de creación poética co alumnado de 2º de ESO tomando como base un poema de Rosalía.
O martes recibimos a visita de Lucía Aldao e María Lado que nos agasallaron cun recital musicado de poemas do seu libro Ninguén morreu de ler poesía.
O mércores foi a quenda de Carlos Negro, quen visitou a nosa biblioteca de xeito virtual conducíndonos da man das súas obras polo universo da poesía máis achegada á nosa realidade cotíá.
Ningún comentario:
Publicar un comentario