Cativa de ti

        De premeres AQUÍ, poderás ler o cómic Cativa de ti que nos

 convida a reflexionar sobre o maltrato na adolescencia

        

TODAS E TODOS CONTRA A VIOLENCIA DE XÉNERO

     A violencia de xénero  é unha lacra que afecta a toda a sociedade, non é específica de determinadas idades ou dun ambiente concreto. A seguir dous vídeos que abordan esta realidade dende dúas perspectivas ben diferentes.  

     No primeiro a actriz Luisa Merelas aborda a problemática das mulleres maiores. 


      A continuación un achegamento ao mundo da mocidade  e á violencia de xénero dixital.

MINUTO DE SILENCIO

     Cando aínda resoan os ecos da celebración do Día Contra a Violencia de Xénero, cómpre lamentar, por desgraza, unha nova vítima que pasa a engrosar a cruel listaxe.  De novo, unha muller que non puido exercer o seu dereito de circular libremente pola vida. Unha historia persoal truncada, unha familia devastada e unha sociedade conmocionada e indignada.

     No IES de Curtis quixemos erguer a nosa voz  lembrando a  Laura Luelmo, profesora de Educación Plástica asasinada en Huelva.

25 NOVEMBRO

     Un ano máis sumamos as nosas forzas para denunciar a violencia de xénero. O poema de Carlos Negro fálanos das relacións tóxicas inzadas de actitudes machistas que desembocan, con frecuencia, en casos de maltrato. A ilustración  foi unha das gañadoras do concurso organizado pola Xunta de Galicia dirixido aos centros educativos con motivo do 25N.

 Bilingüismo Harmónico

Xa tardabas, ho.

En canto unha moza che leva a contraria,

disparas.

Pero non creas que me arredo.

Porque aprendín a vivir noutro idioma

e cando ti me chamas zorra

coma quen cospe un esgarro

eu entendo adrede outra cousa

e subo lixeira

nese carriño con esquís

que me leva montaña abaixo

lonxe

moi lonxe 

de ti,

como unha Heidi feliz

que non precisa dun Pedro feroz.

 Carlos Negro: Aplicación Instantánea