"Limpeza de sangue"

A compañía Espello Cóncavo estreou onte no Pazo da Cultura de Narón a obra "Limpeza de sangue", do dramaturgo galego Rubén Ruibal. O autor gañou con ela o premio Álvaro Cunqueiro de Literatura Dramática en 2005 e, dous anos despois, recibiu o Nacional.

"Limpeza de sangue" é  unha obra moi dura, que reflicte un ambiente practicamente de lumpen. Transcorre na Coruña, nun mundo marxinal de droga, delincuencia e corrupción. Ten elementos moi actuais. A base é a relación entre dous personaxes que veñen de esferas sociais moi contrapostas. Un é un ex yonqui, Fernando, e o outro unha especie de ‘yuppie’, Pantaleón, executivo dunha empresa. Por cuestións de saúde converxen nunha sala de diálese que os obriga a unha convivencia forzada.

Espello Cóncavo fai un esforzo para reducir a escenografía ó imprescindible –hai 29 situacións en ambientes distintos– e apuntala a peza nun inxente traballo actoral.

Sergio Zerraeta e Xavier Pan encabezan o elenco nos papeis de Fernando e Pantaleón respectivamente. Serán o ionqui e o novo rico unidos polo destino do corpo e unha sala de diálise dun hospital no texto do dramaturgo de Ribadeo. A canda eles, completando o equipo artístico na produción de Espello Cóncavo, estarán os actores Oswaldo Digón (Clemente), Fernando Morán (Don Anselmo), Xoán Carlos Mejuto (Don Luís), Teresa Horro (Alicia), Estíbaliz Veiga (Mucha) e Rodrigo Roel (Inspector Castelo).

Estára, entre outros, en:
Pontevedra, no Teatro Principal, o venres 15 de outubro
A Coruña, No Teatro Rosalía, o 21 e 22 de outubro

Lectura de Pic-NIc

Co gallo da celebración do Día da Paz, Cuarto C ( Dani, Yesi, Olalla, Cristian, Mónica y Vane) e Tani farán unha lectura animada da obra de Fernando Arrabal Pic-nic. O Finalizar Alejandro nos rapeara.
Mañan na Biblioteca

"Versos presos" leva ao teatro a obra poética de Miguel Hernández

Versos presos é unha homenaxe á obra poética de Miguel Hernández no centenario do seu nacemento(2010). Partindo das cartas que escribiu o propio Miguel Hernández nos seus anos de cativerio a Juan Ramón Jiménez, Lorca, Neruda, á súa esposa, Josefina Manresa e ao seu amigo Juan Guerrero Ruiz faise un repaso á súa vida a través dos seus poemas máis significativos. As cartas supoñen o fío condutor da obra, o marco que sitúa os poemas, ordenados cronoloxicamente, na curta vida do seu autor. Hernández morreu aos 32 anos na prisión de Alicante.

Dous actores, Iñaki Urrutia e Gorka Mínguez encarnan ao poeta Miguel Hernández (1910-1942). Mínguez interpreta ao Hernández preso, o home de carne e óso que sofre a pobreza e a represión e morre en prisión enfermo de tifo e de tuberculose. En contraposición, Urrutia representa o personaxe poético, liberado do sufrimento pola creatividade do verso.

TIM ROBBINS PRESENTA A SÚA VERSIÓN TEATRAL DE 1984

O actor e director norteamericano Tim Robbins leva a Barcelona a adaptación teatral que a súa compañía, actor 's Gang, fixo de 1984, o clásico no que o escritor George Orwell denunciaba os mecanismos controladores dos gobernos totalitarios.
Unha montaxe que a xeito de thriller psicolóxico pon en tea de xuízo os imperativos categóricos das sociedades modernas.

Tim Robbins volve empregarse detrás da escena para abordar os perigos da videovixilancia, a censura e a manipulación cunha proposta hiperrealista, e en versión orixinal, que ha de lerse entre liñas.

En rolda de prensa, Robbins asegurou hoxe que se perdeu a crenza de que a privacidade é íntima, e criticou o "case exhibicionismo" que profesan os mozos que pousan nus nas fotos que colgan "para sempre" en Internet. "Parece que estamos encantados de ver persoas humilladas, sen privacidade,", engadiu, tamén en alusión a programas como Grande Irmán.

Tim Robbins seguirá afondando así na súa faceta de director, tras protagonizar decenas de películas, entre elas Mystic River, pola que gañou o Oscar ao mellor actor de reparto e La vida secreta de las palabras de Isabel Coixet.