VÍDEOSEMANA DO LIBRO EUROPEO (III)

Hoxe tócalle á literatura inglesa: velaquí a recomendación que Laura nos fai de Orgullo y perjuicio, de Jane Austen; despois podedes escoitar a  Fátima e Elena falándonos de Diez Negritos, de Ágatha Christie.

VIDEOSEMANA DO LIBRO EUROPEO (II)

  Primeira recomendación da semana: escoitade o que nos contan  sobre Apollinaire Ainoa, Yaiza e Elena ... Por suposto, en francés!

TEMPO DE LER...

Ao longo deste mes que vén de rematar, fomos, desde a biblioteca, recollendo e pegando nos taboleiros da entrada e do patio cuberto recomendacións de lectura feitas por alumnado de diferentes cursos e etapas: irémolas subindo ao blog ao longo deste mes que comenza. Hai abondo en que escoller e agardamos que vos sexan útiles as recomendacións dos compañeiros. A maneira de presentación, deixámosvos aquí unha mostra dos novos carteis elaborados este ano e das portadas dalgúns dos libros preferidos do noso alumnado.

TODO ESTA NOS LIBROS IES CURTIS - diapositivas

TODO ESTÁ NOS LIBROS, TODO ESTÁ EN LOS LIBROS, TOUT SE TROUVE DANS LES LIVRES...

Este é o lema que creamos desde a biblioteca para a conmemoración do Día do Libro neste ano 2012.
Na biblioteca podedes atopar unha mesa onde se mesturan libros de variada temática, formato, época...

Como sempre, son para ver, tocar, ler... LEMBRADE...TODO ESTÁ NELES!

23 DE ABRIL: DÍA DO LIBRO

Desde o Equipo de Biblioteca estamos a realizar varias actividades para conmemorar esta data tan importante para o espazo no que traballamos: murais, creación dunha mesa de consulta de libros baixo o lema en diferentes linguas TODO ESTÁ NOS LIBROS, recolleita de recomendacións do alumnado sobre obras que xa leron e das que lles apetece falar... En fin, semana axetreada na nosa biblioteca... Xa vos iremos mostrando...Para ir creando ambiente, aquí vos deixamos os consellos de Pennac, en clave de humor, por suposto...