Biblioteca do IES de Curtis
Dentro das actividades propostas na Semana Cultural tivemos a oportunidade de achegarnos ao particular universo de Lúa Mosquetera.
No encontro a autora realizou un recitado de poemas do seu libro Espíderman. A beleza dos seus textos estivo acompañada polos acordes da guitarra de Pablo Seixas.
.jpeg)
Aproveitando a presenza da escritora Eva Mejuto no noso centro realizámoslle unha pequena entrevista onde nos falou da súa faceta de lectora e escritora.
O encontro que mantivemos coa escritora Antía Yáñez non puido ser máis interesante. Falounos do seu libro O misterio de Portomarín, da historia do encoro de Belesar e de como lle cambiou a vida á veciñanza do lugar. A través de fotografías antigas transportounos ao pasado para contarnos como era a vila antes do asolagamento. Soubemos que, coa chegada do encoro, parte das construcións foron trasladadas a outro emprazamento. Pareceunos moi curioso que a igrexa fose levada pedra a pedra ata unha nova ubicación.
Foi, sen dúbida, unha charla moi entretida na que aprendemos moito sobre o pasado de Portomarín e o proceso de elaboración dos libros. Rematamos esta pequena crónica agradecendo a Antía Yáñez a súa presenza no noso centro e a súa amabilidade e atención.
