Biblioteca do IES de Curtis
Hoxe empeza o concurso no que podedes demostrar os vosos coñecementos sobre as máis curiosas historias de amor de todos os tempos. Aquí vos deixamos unha parte dixitalizada da exposición que tedes no corredor da biblioteca, concretamente a referida á antigüidade clásica.
Moita sorte para os participantes!
Con motivo do Día dos namorados promovemos desde o Equipo de biblioteca a reconstrución escrita e gráfica de historias de amor de todos os tempos, relacionadas coa literatura, co cinema, coa arte, coa historia... Grazas aos departamentos de linguas do noso IES conseguimos, co traballo na aula, artellar unha fermosísima exposición feita con paneis en castelán, galego, francés e inglés onde se recollen imaxes e narracións de máis de cincuenta historias sentimentais que forman xa parte da nosa cultura: Píramo e Tisbe, Romeo e Julieta, Ana Karenina e Bronski, Calisto e Melibea, Cyrano e Roxane, Celso Emilio e Moraima... Estes e moitos máis personaxes enchen o corredor da entrada neste mes, no que o concurso Amor omnia vincit, artellado sobre a información dos paneis, espera poder premiar aos máis curiosos... e aos máis habilidosos na busca de información.
