CONCURSO DE FOTOGRAFÍA

 

    Un novo curso bota a andar e con el volven as actividades e os concursos. Nesta ocasión,  a temática está relacionada coa natureza na estación outonal que nos agasalla unha contorna  chea de fermosísimas cores. 

Animádevos a participar!

 

ENCRUCILLADO 3

ENCRUCILLADO 2

ENCRUCILLADO 1

DÍA DAS BIBLIOTECAS

CURTIMETRAXE

MIRA A TÚA CONTORNA

XA TEMOS EQUIPOS GAÑADORES DO CONCURSO AMOR OMNIA VINCIT!

 Reunido o grupo de traballo da Biblioteca Sarmiento encargado de avaliar as respostas presentadas ao concurso Amor omnia vincit, emítese o seguinte fallo:

1º PREMIO:

 Andrea Juncal, 1º bacharelato B

Laura Lagares, 1º bacharelato B

2º PREMIO:

Marta Varela Bello,  1º bacharelato B

María Vaamonde Lesta, 1º bacharelato B


      A entrega de premios farase ao longo da Semana Cultural do noso IES, entre o 20 e o 24 deste mes. Parabéns ás gañadoras.

Resolto o II Certame de Ensaio do IES de Curtis

Vén de resolverse o II Concurso de Ensaio do IES de Curtis.

Parabéns a:

                Uxía Iglesias Reviejo- 1º premio

                Marcos Montes Lagares- 2º premio

                Ángela Balado Graña- 3º premio

En breve subiremos os seus traballos.

II CERTAME ESCOLAR DE BLOGS DO IES DE CURTIS

 O ENDL do IES de Curtis convoca o II Certame Escolar de Blogs cos seguintes obxectivos:

• Valorar a importancia dos blogs como ferramenta didáctica para o desenvolvemento de contidos curriculares e a súa utilidade para a motivación do alumnado.
• Fomentar o emprego activo das TICs e a creación de espazos que favorezan asociacións positivas para a lingua.
• Estender o uso da lingua galega na rede.
• Promover o coñecemento de distintos aspectos da cultura galega, en especial os relacionados co ámbito do lecer.
• Complementar a formación académica do noso alumnado con contidos que contribúan á súa inserción no mundo laboral.
• Procurar a formación continua e a colaboración educativa entre pais, nais, profesorado e persoal non docente do IES de Curtis.

BASES

DESTINATARIOS

Calquera membro que pertenza á Comunidade Educativa do IES de Curtis durante o curso académico 2014-2015. 

FORMACIÓN

1. Se houber demanda, realizaranse xornadas de formación fóra do horario lectivo.

2. A asistencia ás xornadas de formación non é obrigada para concursar no certame, pero todas as persoas que asistan deberán necesariamente presentar un blog.

REQUISITOS

1. A lingua empregada na redacción dos blogs será a galega.

2. Os blogs poderán realizarse de maneira individual ou en grupo.

TEMÁTICA

A temática é libre, pero valoraranse positivamente aqueles blogs que dean a coñecer aspectos da cultura galega e desenvolvan contidos relacionados co ámbito do lecer e as preocupacións da xente nova: música, literatura, arte, ciencia, patrimonio, audiovisual, medioambiente, voluntariado, asociacionismo cultural, novas tecnoloxías, graffiti, banda deseñada, deportes, motor, videoxogos...

INSCRICIÓN NO CONCURSO

Realizarase durante o mes de abril nun espazo que, con tal fin, se habilitará no blog Son de noso. O autor ou autora deberá cubrir un formulario no que indique o seu nome e apelidos, o curso ou estamento ao que pertence no seo da Comunidade Educativa e a URL (enlace) do seu blog.

Os traballos faranse públicos o 17 de maio, Día das Letras Galegas e da Internet, en Son de noso (http://sondenoso.blogspot.com.es/). Ata ese momento os autores e autoras deberán alimentar o seu blog que terá que conter un mínimo de oito entradas. 

PREMIO

Concederase un único premio consistente nun Tablet para o mellor blog presentado polo alumnado. 

CRITERIOS DE VALORACIÓN

Teranse en conta os seguintes criterios:

• Calidade lingüística
• Interese dos contidos
• Deseño e orixinalidade
• Inclusión de contidos propios
• Actualización e número de entradas
• Recursos e enlaces de interese relacionados co tema elixido
• Aproveitamento das posibilidades que ofrece o blog: inserción de textos orixinais, vídeos, imaxes, audio...
• Participación e comunicación coa comunidade virtual (seguidores, difusión nas redes sociais, comentarios, visitas...)

Descualificaranse os blogs que conteñan insultos, contidos discriminatorios e /ou linguaxe non adecuada.

Penalizaranse, así mesmo, as malas prácticas; entre elas, a non inclusión das fontes das que se extraen imaxes e información. 

 XURADO

Estará formado por membros do ENDL, profesorado de Informática do centro e un blogueiro/a de recoñecido prestixio.

A súa valoración suporá un 60% da puntuación total. O 40% restante será outorgado pola comunidade virtual que votará os blogs presentados dende o 17 de maio ata o 31 do mesmo mes.

O fallo farase público na primeira semana de xuño e o premio será entregado polo blogueiro/a convidado.

A VOLTAS COA PUBLICIDADE…

Concurso organizado polo Equipo de Biblioteca do IES de Curtis para facer dos nosos alumnos lectores críticos de mensaxes publicitarias

(Do 23 ao 30 de abril de 2015)

Sabíades que no mundo da publicidade non hai nada que se manexe por casualidade? Todo está pensado e elixido con moito tino por unha cadea de profesionais que saben ben cal é o obxectivo do seu traballo: convencer aos potenciais compradores para que elixan un produto… e non outro.

Para iso, os publicistas contan con moitos recursos. Un deles é o nome que se elixe para unha marca ou produto: en moitas ocasións as denominacións son moi suxerentes e conteñen unha connotación que invita a comprar aquelo que se está anunciando.

Para iso, os publicistas contan con moitos recursos. Un deles é o nome que se elixe para unha marca ou produto: en moitas ocasións as denominacións son moi suxerentes e conteñen unha connotación que invita a comprar aquelo que se está anunciando.

No mercado actual hai moitos nomes comerciais que proceden, intencionadamente, de linguas diferentes ao castelán: do galego, do latín, do grego, do francés, do inglés… En ocasións abonda co prestixio que se lle supón á lingua da que vén a palabra (Nissan Micra, Le beau Male (de J. Paul Goltier), O rei Centolo, as gafas Ray-Ban…), pero en moitos casos o significado do termo na lingua orixinaria aporta características engadidas que animan aínda máis ao comprador a facerse con ese produto e non con outro. Así, por exemplo, a marca Sanex, fórmase sobre o verbo latino sanare e sobre o adxectivo da mesma lingua sanus,-a, -um, que reforzan a idea de vida saudable.

Invitámosvos a facer connosco un percorrido polo mundo comercial. Veredes canta información pode haber detrás de nomes ben coñecidos por nós.

Máster Chef Curtis

Este ano ao habitual Concurso de Peperetadas vén de sumarse un de Videorreceitas co que o ENDL de Curtis te convida a celebrar o Entroido. Participa!

 

A alta cociña chegou a Curtis. Se queres que o teu bo facer culinario sexa proxectado no patio cuberto e reciba un premio, pon o mandil, elabora a túa mellor receita de Entroido, grávaa co móbil e preséntaa no seminario de galego ou na secretaría do centro antes do 13 de febreiro. 

 

BASES

1. O concurso está aberto a toda a Comunidade Educativa: alumnado, pais e nais, profesorado e persoal non docente. 

2. Poderase concursar de xeito individual ou en grupo e o número de receitas que se poden presentar a concurso é ilimitado.

3. Os vídeos deben ser orixinais, gravados na máxima resolución e calidade posible e cunha duración máxima de 4 minutos.

4. Os formatos aceptados son AVI e MP4.

5. Valorarase:

    - O bo humor dos participantes

    - A calidade do vídeo

   - A claridade da explicación

6. Se houber un número de participantes axeitado, as receitas proxectaranse no patio cuberto durante a celebración do Entroido. 

7. Haberá un único premio. O cociñeiro ou cociñeira que resulte vencedor será agasallado cun lote de utensilios de cociña e o bocata, con consumición, durante quince días na cafetería do centro!

SEGUNDO CERTAME DE ENSAIO IES DE CURTIS

Bases II Concurso de Ensaio IES de Curtis 2014 - 2015

Rúbrica

Convocan:

Departamento de Lingua Castelá, Departamento de Lingua Galega, Departamento de Filosofía.

Concurso de relatos Ciencia que conta

CONCURSO AMOR OMNIA VINCIT

CUESTIÓNS PARA O VENRES, 14 DE FEBREIRO (debe entregarse a tarxeta coas respostas mañán no primeiro recreo).

1. En que consiste o Complexo de Fedra?

2. Explica a orixe mitolóxica da árbore da que procede a mirra.

3. Segundo a lenda clásica, cal é a orixe do fenómeno acústico coñecido como eco?

4. Na reunión de onte liouse a de tirios e troianos: explica o significado da expresión suliñada e precisa que famosa raíña da antigüidade clásica a usou por vez primeira.

CONCURSO AMOR OMNIA VINCIT

CUESTIÓNS PARA O XOVES, 13 DE FEBREIRO (debe entregarse a tarxeta coas respostas mañán no primeiro recreo).

1. Que facía Leandro para visitar a Hero todas as noites e como o conseguía?

2. Que dous premios conceden os deuses a Filemón e Baucis en pago á súa hospitalidade?

3. En que relato mitolóxico aparece o personaxe chamado Polifemo e que cruento acto realiza no mesmo?

4. Explica cal é a orixe dos termos LAUREADO E BACHARELATO e indica con que parella mitolóxica se relacionan.

CONCURSO AMOR OMNIA VINCIT

CUESTIÓNS PARA O MÉRCORES, 12 DE FEBREIRO (debe entregarse a tarxeta coas respostas mañán no primeiro recreo).

1. Con que dous amantes ten relación a cor vermella dos froitos da moreira e cal é a razón desa cor?

 

2. Que proba, proposta por Penélope, deben superar os seus pretendentes para poder casar con ela? Quen consegue superala?

3. Que relación gardan con Eneas as cidades de Troia e de Roma?

4. Explica o significado da expresión A MAZÁ DA DISCORDIA e concreta con que historia de amor se relaciona.

CONCURSO AMOR OMNIA VINCIT

CUESTIÓNS PARA O MARTES, 11 DE FEBREIRO (debe entregarse a tarxeta coas respostas mañán no primeiro recreo)

1. A curiosidade xoga dúas veces en contra de Psique: explica en que consisten a dúas actuacións erróneas da moza e que consecuencias teñen.

2. Explica en que consiste o Síndrome de Medeae que relación ten co personaxe mitolóxico.

 

3. Que é un orfeón? Concreta que personaxe lle da nome e cal é a relación entre ambos.

4. Indica de que astro se namorou o pastor Endimión e que consecuencias tivo para el esa relación.

CONCURSO AMOR OMNIA VINCIT

CUESTIÓNS PARA O LUNS, 10 DE FEBREIRO (debe entregarse a tarxeta coas respostas mañán no primeiro recreo).

1. Explica de que relación naceu o Minotauro, en que illa grega vivía, quen o mata e como.

2. Cal foi a obra máis fermosa de Pigmalión e que lle concedeu Venus?

3. Que dous importantes personaxes históricos romanos foron amantes de Cleopatra?

4. Que lle pasa a unha persoa que calificamos como narcisista?

CONCURSO AMOR OMNIA VINCIT