Mi hermana vive sobre la repisa de la chimenea

Título: Mi hermana vive sobre la repisa de la chimenea
Autora: Annabel Pitcher
Editorial: Siruela



Pouco antes de cumprir dez anos, o pequeno Jamie vaise vivir ao norte de Londres co seu pai separado, a súa irmá adolescente Jasmine e o seu gato Roger para empezar dende cero. Pasaron cinco anos dende a morte de Rose, a xemelga de Jasmine, nun atentado terrorista islámico en Londres. Os seus pais non conseguiron superar a dor e parece que Jasmine tampouco: tinguiuse o pelo de rosa, fíxose piercings e optou por non comer. A familia caeuse. Pero en todo ese tempo Jamie non derramou unha soa bágoa. Para el Rose, cuxas cinzas repousan na repisa da cheminea, non é máis que un recordo afastado. Interésanlle moito máis o seu gato Roger, a camiseta de Spiderman que lle regalaron polo seu aniversario ou que o seu pai non se decate de que se fixo amigo dunha nena musulmá paquistaní. Un día, ao ver na televisión un anuncio buscando novos talentos que saiban cantar, convéncese de que iso pode facer que as cousas cambien e que toda a familia poida saír adiante.

Déixovos aquí o book trailer da novela na súa versión orixinal en inglés.