Veñen de cumprirse 30 anos da estrea de Sempre Xonxa de Chano Piñeiro. Esta longametraxe, que marcou o inicio do cinema galego, foi un
grande éxito de crítica e público chegando a acadar histórica cifra de
62.000 espectadores. Unha historia de Galicia e da vivencia e as
consecuencias da emigración que fai un percorrido ao longo de corenta anos
(1946-1986) polas vidas de tres personaxes unidos pola amizade e polo amor.
Estruturada en catro secuencias que se corresponden coas etapas da vida,
a súa rodaxe durou máis dun ano para conseguir amosar ao espectador a natureza
nas distintas estacións. A historia ofrece unha reflexión sensible e
conmovedora á vez que rotunda e impactante sobre a complexidade das
relacións afectivas e o poder dos sentimentos.
Ficha artística e técnica de Sempre Xonxa.
Tivemos que agardar ata 2019 para atopar outro filme que fose quen de
superar á xa mítica Sempre Xonxa. O mérito debémosllo
a Óliver Laxe con O que arde que, ademais de acadar
numerosos galardóns a nivel internacional, vén de lograr catro nominacións para
os Goya (incluída a de Mellor Película).
Ningún comentario:
Publicar un comentario