Neste curso 2021-22 o lema das bibliotecas escolares de Galicia é A BIBLIOTECA ESCOLAR TEN A PALABRA, cunha clara intención de subliñar a importancia da palabra e da oralidade nestes espazos.
Dado que onte se conmemorou o Día das Bibliotecas, pareceunos axeitado contribuir desde Curtisbiblio a esta celebración organizando un concurso que busca promover o coñecemento dun tipo de fondos de difusión plenamente oral: os DVD (cine de ficción, documentais...). O seu nome é 3, 2, 1... ¡ACCIÓN!
Aproveitando que contamos cun blog de cine que recolle información sobre todos os contidos audiovisuais dispoñibles para prestar á comunidade educativa, invitamos ao noso alumnado a entrar nel, investigar e... gañar uns premios ben interesantes. Aquí deixamos as bases: agardámosvos, como vos vimos contando nos últimos días, na biblioteca para inscrivirvos. Non perdades tempo e animádevos xa!
Ningún comentario:
Publicar un comentario