Curtisbiblio

Cando regresou, Malaspina atopouse cun Borbón moi diferente no trono. Cando chegou co seu discurso revolucionario, contrario ao "sistema de conquistas afastadas e de ultramar, sistema que carrexou consigo a multiplicación do luxo e confundiu todos os codigos de goberno no só código mercantil", Carlos IV case lle corta a cabeza.
Pero iso foi ao seu regreso a España. Cando as corvetas partiron en 1789, cun tres decenas de canóns e o mellor instrumental científico da época a bordo, a Coroa confiaba en Malaspina. A monarquía acudía á ciencia para remediar a súa desastrosa economía e non para gastar diñeiro. Ciencia e política, no século XVIII, eran inseparables. O trono enviaba científicos a dar a volta ao mundo, a cambio de que volvesen con algo convertible en reais de prata.
Poucos meses antes de volver a España, Malaspina confesaba no seu diario que estaba a desexar "concluír unha empresa da que debería estar, e realmente estou, hastiado". Nas súas adegas, as corvetas gardaban un herbario de case 16.000 exemplares, manuscritos con descricións de máis de 500 especies animais de América e Filipinas, unha colección de fósiles e unha impresionante cartografía. Pero España non aproveitou nada