RELATO GAÑADOR NA CATEGORÍA DE 1º/2º DE ESO
Invasión marciana
A vida transcorría tranquila nunha pequena vila do interior de Galicia. Había moi poucos habitantes, xa que a maioría das familias marcharon vivir á cidade en busca de traballo e novas oportunidades. Os habitantes da vila empezaron a avistar lucer e a escoitar ruídos estraños. Isto sucedía polas noites e comezaron a preocuparse cando xa ían varios días que sucedía o mesmo.
Os veciños convocaron unha reunión na que decidiron quedar sen durmir para facer garda a ver se averiguaban que eran aquelas cousas estrañas. Xamais pensaron que a súa vida cambiaría para sempre desde aquel momento.
Xa aquela mesma noite, avistaron as luces que se achegaban á vila acompañadas dun forte ruído, eran luces que xiraban en círculo e que se acabaron pousando nunha braña. Cando se acercaron, percatáronse que aquilo era unha nave espacial. Dela baixaron dous individuos verdes con forma humana, aínda que tiñan a cabeza máis grande do normal e unha altura superior a dous metros.
Aqueles seres, aínda que parecían que viñan en son de paz, empezaron a apoderarse das cousas dos veciños, das súas casas, dos seus traballos... Ían acabando con todo. Os veciños pouco podían facer con esta situación. Á noite seguinte chegou outra nave, esta vez con vinte daqueles seres que seguiron collendo todo o que atopaban e botando os veciños das súas casas, sacándolles todo o que tiñan.
Por máis que pensaron que facer, non podían deter aquela invasión. Cada noite chegaban máis e máis seres, que parecían vir de Marte, ata que os veciños desistiron e fóronse dunha vila para outra. Pero non había ningún lugar para poñerse a salvo, porque esas naves chegaban a todas cidades, aldeas e vilas, tal como se contaba nos xornais e se escoitaba pola televisión.
Eses seres impuxeron as súas normas facendo dos humanos os seus escravos e foron conquistando todos os territorios do mundo. Pouco puido facer a humanidade porque os seres seguían chegando ata que foron miles e millóns e superaron o número de humanos. Aínda que houbo guerras e revoltas gañaban sempre os marcianos xa que tiñan un exército moi grande e moitas naves e armas. Ademais a súa intelixencia era superior á nosa.
Á humanidade non lle quedou máis remedio que vivir sometida despois da gran invasión marciana.
Nicolás Martínez Vázquez, 1º ESO
Ningún comentario:
Publicar un comentario